ഇറച്ചിക്കോഴി വില തോന്നുംപടി; സർക്കാർ നിർദേശം യാഥാർഥ്യമായില്ല

പത്തനാപുരം: ഇറച്ചിക്കോഴിക്ക് തോന്നുംപോലെ വില ഈടാക്കുന്നതായി പരാതി. ജി.എസ്.ടി ഇല്ലാത്തതിനാല്‍ 80 രൂപക്ക് വ്യാപാരം നടത്തണമെന്ന് സർക്കാർ നിർദേശമുണ്ട്. എന്നാല്‍, വ്യാപാരികള്‍ ഇത് പാലിക്കുന്നിെല്ലന്നതാണ് സത്യാവസ്ഥ. 105 മുതല്‍ 130 രൂപ വരെയാണ് ഒരുകിലോ കോഴിയുടെ വില. തമിഴ്നാട്ടിൽനിന്ന് എത്തിക്കുന്ന ഇറച്ചിക്കോഴികള്‍ തുച്ഛ നിരക്കിലാണ് ഇടനിലക്കാര്‍ വഴി വ്യാപാരികള്‍ക്ക് ലഭിക്കുന്നത്. എന്നാല്‍, ഭീമമായ ലാഭത്തിലാണ് ഇവര്‍ വില്‍ക്കുന്നത്. ആവശ്യക്കാരുടെ എണ്ണം കൂടുന്നതനുസരിച്ചാണ് വില വര്‍ധന. ഏകീകൃത സംവിധാനമില്ലാത്തതിനാല്‍ പലയിടങ്ങളിലും തോന്നിയ വിലയാണ്.