സാധാരണക്കാരന്​ നേ​െരയുള്ള ഭീകരാക്രമണമാണ് നോട്ട് നിരോധനം

കൊല്ലം: മോദി സർക്കാർ നടപ്പാക്കിയ നോട്ട് നിരോധനം സാധാരണക്കാരന് നേരെയുള്ള ഭീകരാക്രമണമാണെന്ന് ഫോർവേഡ് ബ്ലോക്ക് ദേശീയ സെക്രട്ടറി ജി. ദേവരാജൻ പറഞ്ഞു. സ്റ്റേറ്റ് എംപ്ലോയീസ് യൂനിയൻ ജില്ല കമ്മിറ്റി നടത്തിയ 'ഇന്ത്യൻ സമ്പദ് വ്യവസ്ഥ നോട്ട് നിരോധനത്തിന് ശേഷം' സെമിനാറിൽ മുഖ്യപ്രഭാഷണം നടത്തുകയായിരുന്നു അദ്ദേഹം. മുസ്ലിം ലീഗ് സംസ്ഥാന സെക്രട്ടറി ബീമാപള്ളി റഷീദ് ഉദ്ഘാടനം ചെയ്തു. എസ്.ഇ.യു ജില്ല പ്രസിഡൻറ് എ. ഹിഷാം അധ്യക്ഷത വഹിച്ചു. ലീഗ് ജില്ല പ്രസിഡൻറ് എം. അൻസാറുദ്ദീൻ, ജനറൽ സെക്രട്ടറി നൗഷാദ് യൂനുസ്, കെ.എം. റഷീദ്, നാസർ നങ്ങാരത്ത്, സെയ്ഫുദ്ദീൻ മുസ്ലിയാർ, മുഹമ്മദ് റിസ, ഫിറോസ്, ഇയാസ്, എം.എ. ഹക്കീം, ഷൈൻകുമാർ, സബീന ക്ലീറ്റസ്, മീര റാണി, അഹമ്മദ് ഉഖൈൽ, അംജിത്ത് കുരീപ്പള്ളി, പറമ്പി സുബൈർ, കക്കാക്കുന്ന് ഉസ്മാൻ, എം. ഷാഫി, ഷഹുബാനത്ത് എന്നിവർ സംസാരിച്ചു.