ബൈക്ക് മോഷണസംഘത്തിലെ യുവാവ് പിടിയിൽ

കൊല്ലം: തിരക്കേറിയ സ്ഥലങ്ങൾ കേന്ദ്രീകരിച്ച് ബൈക്ക് മോഷ്ടിക്കുന്ന സംഘത്തിലെ ഒരാളെ ഇൗസ്റ്റ് പൊലീസ് പിടികൂടി. അയത്തിൽ ചരുവിള വീട്ടിൽ അജിത്ത് (19) ആണ് അറസ്റ്റിലായത്. റെയിൽവേ സ്റ്റേഷൻ പരിസരത്തുനിന്ന് ബൈക്ക് മോഷ്ടിച്ച കേസിലാണ് അറസ്റ്റ്. ഇവിടെനിന്ന് ബൈക്കുകൾ സ്ഥിരമായി മോഷണം പോകുന്നതിനെ തുടർന്ന് ഷാഡോ പൊലീസി​െൻറ നേതൃത്വത്തിൽ നിരീക്ഷണം ശക്തമാക്കിയിരുന്നു. മോഷ്ടിച്ച ബൈക്കുമായി വരുമ്പോഴാണ് പിടിയിലായത്. മോഷണസംഘത്തിൽപെട്ട മറ്റുള്ളവരെ കുറിച്ച് പൊലീസിന് വിവരം ലഭിച്ചിട്ടുണ്ട്. തിരക്കേറിയ സ്ഥലങ്ങളിൽനിന്ന് പഴക്കമുള്ള ബൈക്ക് മോഷ്ടിച്ച് സ്പെയർ പാർട്സുകളാക്കി വിൽക്കുകയാണ് ചെയ്യുന്നത്. ജില്ലയിൽ വിവിധഭാഗങ്ങളിൽ ഇത്തരത്തിൽ മോഷണം നടത്തിയതായി പൊലീസ് പറഞ്ഞു. കോടതിയിൽ ഹാജരാക്കി റിമാൻഡ് ചെയ്ത പ്രതിയെ കസ്റ്റഡിയിൽ വിട്ടുകിട്ടാൻ പൊലീസ് തിങ്കളാഴ്ച അപേക്ഷ നൽകും.