റോട്ടറി ഭാരവാഹികളുടെ സ്ഥാനാരോഹണം

കൊല്ലം: റോട്ടറി ഇൻറർനാഷനൽ കൊല്ലം റെസിഡൻസി ക്ലബി​െൻറ ഭാരവാഹികളുടെ സ്ഥാനാരോഹണം കെ.എസ്. ശശികുമാർ ഉദ്ഘാടനം ചെയ്തു. പ്രസിഡൻറായി ബി. സന്തോഷ്, സെക്രട്ടറിയായി അച്ചുമഠം ജവാദ് ഹുസൈൻ, ട്രഷററായി ഇന്ദുശേഖർ എന്നിവർ ചുമതലയേറ്റു. സൗജന്യ ഹൃദയശസ്ത്രക്രിയ ആവശ്യമുള്ള സാമ്പത്തികമായി പിന്നോക്കംനിൽക്കുന്നവർ ക്ലബുമായി ബന്ധപ്പെടണമെന്ന് ഭാരവാഹികൾ അറിയിച്ചു. പാലത്തറ പി.എച്ച് സ​െൻററിലെ കിടപ്പുരോഗികൾക്ക് ധനസഹായവും പുന്തലത്താഴം മീനാക്ഷിവിലാസം ഗവ.എച്ച്.എസ്.എസിന് പുരസ്കാരവും നൽകി. എൻ. പത്മകുമാർ, ഡി. സന്തോഷ്, മദനൻപിള്ള, ഷിബു, പ്രസന്നകുമാർ, ചന്ദ്രസേനൻ, ആദിക്കാട് മധു, ബാലകൃഷ്ണൻ നായർ, കെ.ബി. രഘുനാഥ്, അച്ചുമഠം ജവാദ്ഹുസൈൻ എന്നിവർ സംസാരിച്ചു.