പ്രകൃതിവിരുദ്ധ പീഡനം; തമിഴ്നാട് സ്വദേശി അറസ്​റ്റിൽ

കാഞ്ഞിരംകുളം: പത്ത് വയസ്സുകാരനെ പ്രകൃതിവിരുദ്ധ പീഡനത്തിനിരയാക്കിയ തമിഴ്നാട് സ്വദേശിയെ കാഞ്ഞിരംകുളം പൊലീസ് അറസ്റ്റ് ചെയ്തു. പൂവാറിൽ വാടകക്ക് താമസിക്കുന്ന ചെന്നൈ സ്വദേശി ജോസ് (39) ആണ് പിടിയിലായത്. ശനിയാഴ്ച ഉച്ചക്ക് 12നായിരുന്നു സംഭവം. വീടിന് സമീപത്ത് കളിക്കുകയായിരുന്ന പത്ത് വയസ്സുകാരനെ പ്രലോഭിപ്പിച്ച് ജോസ് ത​െൻറ വീട്ടിലേക്ക് കൊണ്ടുപോയി പീഡിപ്പിക്കുകയായിരുന്നു. പേടിച്ച് കരഞ്ഞ് വീട്ടിലെത്തിയ കുട്ടിയോട് വീട്ടുകാർ കാര്യം അന്വേഷിച്ചപ്പോഴാണ് പീഡനവിവരം പുറത്തറിയുന്നത്. തുടർന്ന് വീട്ടുകാർ പൊലീസിൽ അറിയിച്ചതിനെ തുടർന്ന് പ്രതിയെ വീട്ടിലെത്തി പൊലീസ് അറസ്റ്റ് ചെയ്യുകയായിരുന്നു. എസ്.ഐ പ്രതാപചന്ദ്രൻ, സി.പി.ഒമാരായ ശ്രീകണ്ഠൻ, കുമാർ, പ്രശാന്ത് എന്നിവരാണ് പ്രതിയെ പിടികൂടിയത്.