ഓൺലൈൻ ലോട്ടറി തട്ടിപ്പ്; കുറ്റപത്രം സമർപ്പിച്ചു

കൊല്ലം: ഓൺലൈൻ ലോട്ടറി തട്ടിപ്പിലൂടെ കോടികൾ തട്ടിയ കേസിൽ കാമറൂൺ സ്വദേശി ചോയി തോംസൻറ പേരിലുള്ള കുറ്റപത്രം പൊലീസ് സമർപ്പിച്ചു. ഇതോടെ പ്രതിയെ വിചാരണ തടവുകാരനാക്കി. ഡൽഹിയിൽ പോയ അന്വേഷണസംഘം പ്രതി രണ്ട് പാസ്പോർട്ട് ഉപയോഗിച്ചിരുന്നതായി കണ്ടെത്തി. ഡിയാബി യൂസഫ് എന്നതാണ് രണ്ടാമത്തെ പാസ്പോർട്ടിലെ പേര്. രണ്ട് പാസ്പോർട്ടിലും രണ്ട് പേരായതിനാൽ യഥാർഥ പേര് എതാണെന്ന് സ്ഥിരീകരിച്ചിട്ടില്ല. ബാങ്ക് അക്കൗണ്ട് സംബന്ധിച്ച വിശദാംശങ്ങളും യാത്രാരേഖകളെ കുറിച്ചുള്ള വിവരങ്ങളും കോടതിയിൽ പൊലീസ് ഹാജരാക്കിയതിനെ തുടർന്നാണ് ജാമ്യം നിഷേധിച്ചത്. വിവിധ മൊബൈൽ സിമ്മുകൾ മാറി ഉപയോഗിക്കുന്നതി​െൻറ രേഖകളും ഹാജരാക്കിയിരുന്നു. ജാമ്യം നിഷേധിച്ചതിനെ തുടർന്ന് സ്ഥിരം വിചാരണ തടവുകാരനാ‍യ പ്രതിയെ ജില്ല ജയിലിൽനിന്ന് പൂജപ്പുര സെൻട്രൽ ജയിലിലേക്ക് മാറ്റി.