സീറ്റൊഴിവ്​

കൊല്ലം: ശ്രീനാരായണ കോളജിൽ ഡിഗ്രിക്ക് കമ്യൂണിറ്റി ക്വോട്ടയിൽ ഇക്കണോമിക്സ്, ഇംഗ്ലീഷ്, ഹിന്ദി, മലയാളം, ഫിലോസഫി, പൊളിറ്റിക്കൽ സയൻസ്, സംസ്കൃതം, ബയോടെക്നോളജി, കെമിസ്ട്രി, മാത്തമാറ്റിക്സ്, സുവോളജി, ബി.കോം വിഷയങ്ങളിൽ ഏതാനും സീറ്റ് ഒഴിവ്. അപേക്ഷ നൽകിയ വിദ്യാർഥികൾ അസ്സൽ സർട്ടിഫിക്കറ്റുമായി ഇൗമാസം എട്ടിന് രാവിലെ 10ന് ഒാഫിസിൽ എത്തണമെന്ന് പ്രിൻസിപ്പൽ അറിയിച്ചു. ജലവിതരണം മുടങ്ങും കൊട്ടാരക്കര: വാട്ടർ അതോറിറ്റിയുടെ കൊട്ടാരക്കര പി.എച്ച് സബ് ഡിവിഷൻ പരിധിയിൽ വരുന്ന കുണ്ടറപദ്ധതിയിലെ ഗ്രാവിറ്റി ലൈനിൽ അറ്റകുറ്റപ്പണി നടത്തുന്നതിനാൽ കൊട്ടാരക്കര മുനിസിപ്പാലിറ്റി, മേലില, വെട്ടിക്കവല, വിളക്കുടി, നെടുവത്തൂർ, എഴുകോൺ, കുണ്ടറ, പേരയം, കിഴക്കേ കല്ലട എന്നീ പഞ്ചായത്തുകളിൽ വെള്ളിയാഴ്ച മുതൽ ഞായറാഴ്ച വരെ ജലവിതരണം മുടങ്ങുമെന്ന് അസി. എക്സിക്യൂട്ടിവ് എൻജിനീയർ അറിയിച്ചു.