പ്രതിഷേധ ധർണ നാളെ

കൊല്ലം: വിഷാംശം കലർന്ന ഭക്ഷ്യവസ്തുക്കൾക്കും മായംകലർന്ന മരുന്നുകൾക്കുമെതിരേ ഹ്യൂമൻ റൈറ്റ്സ് പ്രൊട്ടക്ഷൻ മിഷൻ (എച്ച്.ആർ.പി.എം) വ്യാഴാഴ്ച കൊല്ലം പോസ്റ്റ് ഓഫിസ് ജങ്ഷനിൽ പ്രതിഷേധ ധർണ സംഘടിപ്പിക്കുമെന്ന് ജില്ല സെക്രട്ടറി ശ്രീജിത്ത് ബാബു വാർത്തസമ്മേളനത്തിൽ പറഞ്ഞു. ധർണ ദേശീയ അധ്യക്ഷൻ പ്രകാശ് ചെന്നിത്തല ഉദ്ഘാടനം ചെയ്യും. ഹൈവേ വികസനത്തി​െൻറ പേരിൽ റോഡ് നിർമിക്കാൻ ശ്രമങ്ങളൊന്നും നടത്താതെ തന്നെ പ്രദേശത്തെ താമസക്കാരെ കുടിയൊഴിപ്പിക്കാൻ നടക്കുന്ന ശ്രമങ്ങളും മത്സ്യത്തൊഴിലാളികളോട് സർക്കാർ കാട്ടുന്ന അവഗണനയും പ്രതിഷേധാർഹമാണെന്നും ലീഗൽ സെൽ സംസ്ഥാന സെക്രട്ടറി എം.കെ. സലിം പറഞ്ഞു. വാർത്തസമ്മേളനത്തിൽ ലീഗൽ സെൽ സംസ്ഥാന പ്രസിഡൻറ് പി.സി. രാമചന്ദ്രൻ നായർ, ജി. ഗിരി തുടങ്ങിയവരും സംസാരിച്ചു.