ബോണസ് ചര്‍ച്ചക്ക്​ വിളിക്കണമെന്ന് കെ.ടി.യു.സി

കൊട്ടാരക്കര: കശുവണ്ടി തൊഴിലാളികളുടെയും മാസശമ്പളക്കാരുടെയും ബോണസ് തീരുമാനിക്കാന്‍ ഉടന്‍ ചര്‍ച്ച നടത്തണമെന്ന് കേരള സ്റ്റേറ്റ് കാഷ്യു വര്‍ക്കേഴ്സ് ആന്‍ഡ് സ്റ്റാഫ്‌ ഫെഡറേഷന്‍(കെ.ടി.യു.സി-ജെ) സംസ്ഥാന ഭാരവാഹികളുടെ യോഗം ആവശ്യപ്പെട്ടു. പ്രാരംഭ ചര്‍ച്ചക്ക് പോലും വിളിക്കാതെ തൊഴില്‍ വകുപ്പ് ഉദ്യോഗസ്ഥര്‍ ഇക്കാര്യത്തതിൽ അലംഭാവം കാട്ടുകയാണെന്ന് വാക്കനാട് രാധാകൃഷ്ണ​െൻറ അധ്യക്ഷതയില്‍ ചേർന്ന യോഗം ചൂണ്ടിക്കാട്ടി. എഴുകോണ്‍ സത്യന്‍, സി. മോഹനന്‍ പിള്ള, കല്ലട ഫ്രാന്‍സിസ്, മണിമോഹനന്‍ നായര്‍, ജോര്‍ജ്കുട്ടി, ശിവശങ്കരപ്പിള്ള എന്നിവര്‍ സംസാരിച്ചു. ശ്രീനാരായണ ജയന്തി ആഘോഷം: സാഹിത്യമത്സരങ്ങൾ കൊല്ലം: ശ്രീനാരായണ ഗുരുവി​െൻറ 164ാം ജയന്തി ആഘോഷങ്ങളോടനുബന്ധിച്ച് എസ്.എൻ.ഡി.പി യോഗം കൊല്ലം യൂനിയ​െൻറയും ശ്രീനാരായണ ട്രസ്റ്റി​െൻറയും ആഭിമുഖ്യത്തിൽ സ്കൂൾ, കോളജ് വിദ്യാർഥികൾക്കും പൊതുജനങ്ങൾക്കും വേണ്ടി വിവിധ സാഹിത്യമത്സരങ്ങൾ നടത്തും. 'മതവും മനുഷ്യനും ഗുരുവി​െൻറ വീക്ഷണത്തിൽ' എന്നതാണ് സ്കൂൾ തലത്തിൽ നടത്തുന്ന ഉപന്യാസ രചനയുടെ വിഷയം. 'ഗുരുദേവദർശനവും വിദ്യാഭ്യാസപുരോഗതിയും' എന്നതാണ് കോളജ് തല ഉപന്യാസരചനാ വിഷയം. 'സ്ത്രീസമത്വവും സ്വാതന്ത്ര്യവും ഗുരുവി​െൻറ കാഴ്ചപ്പാടിൽ'എന്നതാണ് പൊതുവിഭാഗത്തിലുള്ള വിഷയം. ഫുൾസ്കാപ് പേപ്പറിൽ 10 പേജിൽ കവിയാത്ത സൃഷ്ടികൾ ആഗസ്റ്റ് 10ന് മുമ്പ് പട്ടത്താനം സുനിൽ, വത്സലാ നിവാസ്, ശ്രീനഗർ-25, പട്ടത്താനം പി.ഒ, കൊല്ലം-21 (ഫോൺ : 9847747771) എന്ന വിലാസത്തിലോ കൊല്ലം എസ്.എൻ.ഡി.പി യൂനിയൻ ഒാഫിസിലോ (ഫോൺ: 0474-2746196) അയക്കണം. സബ്ജൂനിയർ, ജൂനിയർ, സീനിയർ, പൊതുവിഭാഗത്തിൽെപട്ടവർക്കുള്ള മറ്റ് മത്സരങ്ങൾ: ക്വിസ്മത്സരം, പ്രസംഗമത്സരം, കഥാരചന, കവിതാരചന, ചിത്രരചന, ദൈവദശകം ആലാപനം (ഗ്രൂപ്, സിംഗിൾസ്) എന്നിവ ആഗസ്റ്റ് 12ന് രാവിലെ ഒമ്പതുമുതൽ കൊല്ലം ശ്രീനാരായണ വനിതാകോളജിൽ നടത്തും. പങ്കെടുക്കുന്നവർ മുൻകൂട്ടി പേര് രജിസ്റ്റർ ചെയ്യണം.