നെടുമങ്ങാട് റവന്യൂ ഡിവിഷന്‍: നെയ്യാറ്റിന്‍കരയെ ഒഴിവാക്കണം -^നെയ്യാറ്റിന്‍കര സനല്‍

നെടുമങ്ങാട് റവന്യൂ ഡിവിഷന്‍: നെയ്യാറ്റിന്‍കരയെ ഒഴിവാക്കണം --നെയ്യാറ്റിന്‍കര സനല്‍ തിരുവനന്തപുരം: 30ന് നിലവില്‍വരുന്ന നെടുമങ്ങാട് റവന്യൂ ഡിവിഷനില്‍നിന്ന് നെയ്യാറ്റിന്‍കര താലൂക്കിനെ ഉള്‍പ്പെടുത്തിയ നടപടി ജനദ്രോഹപരമാണെന്നും ഈ ഉത്തരവ് പിന്‍വലിക്കണമെന്നും ഡി.സി.സി പ്രസിഡൻറ് നെയ്യാറ്റിന്‍കര സനല്‍ ആവശ്യപ്പെട്ടു. ഉമ്മന്‍ചാണ്ടി സര്‍ക്കാറാണ് നെടുമങ്ങാട് ആര്‍.ഡി.ഒ ഡിവിഷന്‍ അനുവദിച്ചത്. അതില്‍ നെയ്യാറ്റിന്‍കര താലൂക്ക് ഉള്‍പ്പെട്ടിരുന്നില്ല. താലൂക്കി​െൻറ പലപ്രദേശങ്ങളില്‍ നിന്നും നെടുമങ്ങാട്ട് എത്തുന്ന സാഹചര്യം ചിന്തിക്കാന്‍പോലും കഴിയാത്തതാണെന്ന് ഭൂമിശാസ്ത്രം അറിയാവുന്ന ആര്‍ക്കും മനസ്സിലാകും. പുതിയ പദ്ധതികള്‍ അനുവദിക്കുമ്പോള്‍ അത് ജനങ്ങളെ സഹായിക്കുന്നതിനുപകരം ശിക്ഷിക്കാന്‍ വേണ്ടിയാകരുത്. സര്‍ക്കാര്‍ ഉത്തരവ് പിന്‍വലിച്ചില്ലെങ്കില്‍ ശക്തമായ ജനകീയ പ്രതിഷേധം നേരിടേണ്ടിവരുമെന്നും നെയ്യാറ്റിന്‍കര സനല്‍ പറഞ്ഞു.