വീടിനോട്​ ചേർന്ന ഷെഡിന് തീപിടിച്ച്​ പൂർണമായി കത്തിനശിച്ചു

കരുനാഗപ്പള്ളി: തഴവ തെക്കുംമുറി പടിഞ്ഞാറ് വട്ടപറമ്പിന് സമീപം ആണ്ടിതറയിൽ തുളസിയമ്മയുടെ വീടിനോട് ചേർന്ന ഷെഡിന് തീപിടിച്ചു. ഷെഡും ഷെഡിൽ സൂക്ഷിച്ചിരുന്നു ഉപകരണങ്ങളും വിറകും പൂർണമായി കത്തിനശിച്ചു. ഷെഡി​െൻറ ഒരുഭാഗത്തുവെച്ച് ഭക്ഷണം പാകംചെയ്യാറുണ്ട്്. അരിവെക്കാൻ അടുപ്പിൽ തീകത്തിച്ച് വീട്ടമ്മ പുറത്തേക്ക് ഇറങ്ങുമ്പോൾ തീ ആളിപ്പടർന്ന് കത്തി. വ്യാഴാഴ്ച ഉച്ചക്ക് ഒന്നോടെയാണ് സംഭവം. വിവരമറിഞ്ഞ് ഫയർഫോഴ്സ് എത്തി തീയണച്ചു. ഫയർഫോഴ്സ് എത്തും മുേമ്പ ഭൂരിഭാഗം ഷെഡും കത്തിയിരുന്നു. വീടി​െൻറ പ്ലമ്പിങ് ഇലക്ട്രിക് വയറിങ് എന്നിവക്കും നാശനഷ്ടം സംഭവിച്ചു.