ബിൽ നൽകാത്ത റേഷൻ കട അംഗീകാര പത്രം സസ്‌പെൻഡ് ചെയ്തു

കൊട്ടാരക്കര: റേഷൻ കാർഡ് ഉടമകൾക്ക് ബിൽ നൽകാതെ വ്യാപാരം നടത്തിയ റേഷൻ കടയുടമയുടെ അംഗീകാരപത്രം സസ്‌പെൻഡ് ചെയ്തതായി താലൂക്ക് സപ്ലൈ ഓഫിസർ എസ്.എ. സെയ്ഫ് അറിയിച്ചു. കൊട്ടാരക്കര താലൂക്കിലെ ഇട്ടിവ മലപ്പേരൂരിൽ സി. ജോൺ ലൈസൻസിയായി നടത്തുന്ന 204ാ൦ നമ്പർ റേഷൻ കടയുടെ അംഗീകാരപത്രമാണ് സസ്‌പെൻഡ്‌ ചെയ്തത്. റേഷൻ കാർഡ് ഉടമകൾക്ക് ബിൽ നൽകുന്നില്ലെന്ന പരാതി ഉയർന്നതിനെ തുടർന്ന് കാർഡ് ഉടമകളെ താലൂക്ക് സപ്ലൈ ഓഫിസർ നേരിട്ട് കണ്ട് മൊഴി എടുക്കുകയായിരുന്നു. പരാതിയിൽ കഴമ്പുണ്ടെന്ന് കണ്ടതോടെയാണ് ലൈസൻസ് സസ്പെൻഡ് ചെയ്തത്.