'കടംവാങ്ങിയ' സെർവർ പണിമുടക്കുന്നു; റേഷൻ വിതരണം കുത്തഴിഞ്ഞു

തിരുവനന്തപുരം: സംസ്ഥാനത്ത് ഇ-പോസ് (ഇലക്ട്രോണിക് പോയൻറ് ഓഫ് സെയിൽ) മുഖേനയുള്ള റേഷൻ വിതരണം കുത്തഴിയുന്നു. ഇ-പോസ് മെഷീനിലേക്കുള്ള സെർവർ പണിമുടക്കിയതാണ് സംസ്ഥാനത്തെ ഭൂരിഭാഗം ജില്ലകളിലും ഏപ്രിൽ മാസത്തെ ഭക്ഷ്യധാന്യ വിതരണം താളംതെറ്റാൻ കാരണം. കേന്ദ്ര ഭക്ഷ്യഭദ്രതാനിയമപ്രകാരം ഇ-പോസ് വഴിയുള്ള റേഷൻ വിതരണത്തിന് സ്വന്തമായി സെർവർ ഉണ്ടായിരിക്കണമെന്നാണ് ചട്ടം. എന്നാൽ, ഐ.ടി മിഷ‍​െൻറ സെർവർ കടമെടുത്താണ് ഭക്ഷ്യപൊതുവിതരണ വകുപ്പ് ഇ-പോസ് വഴി റേഷൻ സാധനങ്ങൾ വിതരണം ചെയ്യുന്നത്. 14,288 റേഷൻകടകളിലാണ് ഇതുവരെ ഇ-പോസ് സ്ഥാപിച്ചിട്ടുള്ളത്. ഐ.ടി മിഷ‍​െൻറ സെർവറിന് ഇത്രയും ലോഡ് താങ്ങാൻ കഴിയാതെ വന്നതോടെയാണ് ഭൂരിഭാഗം ജില്ലകളിലും റേഷൻ വിതരണം പാളിയത്. പ്രതിസന്ധി പരിഹരിക്കുന്നതിന് ഉടൻ നടപടിയെടുക്കുമെന്ന് ഭക്ഷ്യമന്ത്രിയുടെ ഓഫിസ് അറിയിച്ചു. പുതിയ സെർവർ വാങ്ങുന്നതിന് അഞ്ചരക്കോടി അനുവദിച്ചിട്ടുണ്ടെങ്കിലും സെർവർ ഇ-പോസുമായി ബന്ധിപ്പിക്കുന്നതിനും അതുവഴി റേഷൻ വിതരണം നടത്തുന്നതിനും രണ്ടുമാസത്തെ കാലതാമസം വരും. അതുവരെ നിലവിലെ പ്രതിസന്ധി തുടരുമെന്നാണ് അധികൃതർ പറയുന്നത്. താൽക്കാലിക പരിഹാരമായി ഐ.ടി മിഷ‍​െൻറ സെർവറിൽ 'ലോഡ് ബാലൻസർ' ഉൾപ്പെടുത്തി കണക്ഷ​െൻറ തിരക്ക് നിയന്ത്രിക്കാനും സർക്കാർ ആലോചിക്കുന്നുണ്ട്. സെർവറി​െൻറ പ്രവർത്തനം മന്ദഗതിയിലായതോടെ റേഷൻ വ്യാപാരികൾക്കുള്ള ഇ-പോസ് പരിശീലനവും പാതിവഴിയിലാണ്. ഏപ്രിൽ 16നുള്ളിൽ സംസ്ഥാനത്തെ 14,419 റേഷൻ കടളിലും മെഷീൻ സ്ഥാപിക്കുമെന്ന് ഭക്ഷ്യമന്ത്രി പി. തിലോത്തമൻ നിയമസഭയിൽ ഉറപ്പുനൽകിയിരുന്നെങ്കിലും ഇപ്പോഴും തിരുവനന്തപുരം, പത്തനംതിട്ട, വയനാട് കണ്ണൂർ, കാസർകോട് ജില്ലകളിൽ മെഷീനി‍​െൻറ പ്രവർത്തനം സംബന്ധിച്ച് വ്യാപാരികൾക്കുള്ള പരിശീലനം പോലും പൂർത്തിയായിട്ടില്ല. ഇതോടെ പല കടകളിലും മെഷീൻ പെട്ടി പൊട്ടിക്കാതെ ഇരിക്കുകയാണ്. ഇ-പോസ് മെഷീൻ സ്ഥാപിക്കുന്നതുമായി ബന്ധപ്പെട്ട് ഏപ്രിൽ 10വരെ റേഷൻ കടകൾ അടച്ചിട്ടതും റേഷൻ വിതരണം പ്രതിസന്ധിയിലാക്കിയിട്ടുണ്ട്. ഏപ്രിൽ മാസത്തെ ലോഡി​െൻറ 30ശതമാനം മാത്രമേ ഇതുവരെ റേഷൻ കടകളിലെത്തിയിട്ടുള്ളൂ. സാധനങ്ങൾ തൂക്കിയെടുക്കുന്നതിന് ഗോഡൗണിലുണ്ടാകുന്നതാമസമാണ് നിലവിലെ പ്രതിസന്ധിക്ക് കാരണം. ഇതിനെത്തുടർന്ന് ഏപ്രിൽ മാസത്തെ റേഷൻ വിതരണം അടുത്തമാസം ആദ്യവാരം വരെ നീട്ടാനും ഭക്ഷ്യവകുപ്പ് ആലോചിക്കുന്നുണ്ട്. അനിരു അശോകൻ