പൊഴിയൂരിൽ 50 വീടുകളിൽ വെള്ളംകയറി

പാറശ്ശാല:- പൊഴിയൂർ തീരദേശ മേഖലയിൽ ഞായറാഴ്ച വൈകീട്ട് അനുഭവപ്പെട്ട കടൽക്ഷോഭം ആശങ്ക പരത്തി. ശക്തമായ വേലിയേറ്റത്തെ തുടർന്ന് പൊഴിയൂർ -കൊല്ലങ്കോട്‌ പരുത്തിയൂർ ഭാഗങ്ങളിലെ 50 ഓളം വീടുകളിൽ വെള്ളംകയറി. ശക്തമായ വേലിയേറ്റത്തെ തുടർന്നാണ് കടലിൽനിന്ന് കരയിലേക്ക് വെള്ളംകയറിയത്. തുടർന്ന് പൊഴിയൂരിലെ കൊല്ലങ്കോട് പരുത്തിയൂർ ഭാഗത്തെ പൊഴിമുറിച്ച് മത്സ്യത്തൊഴിലാളികൾ വീടുകളിൽ കയറിയ വെള്ളം തിരിച്ചുവിടുകയായിരുന്നു.