സംസ്ഥാന ജൂനിയർ ബാസ്കറ്റ്ബാൾ മത്സരം പുനലൂരിൽ തുടങ്ങി

പുനലൂർ: 42ാമത് സംസ്ഥാന ജൂനിയർ ബാസ്കറ്റ്ബാൾ മത്സരം പുനലൂർ ഗവ. എച്ച്.എസ്.എസ് ഫ്ലഡ്ലിറ്റ് സ്റ്റേഡിയത്തിൽ ആരംഭിച്ചു. മന്ത്രി കെ. രാജു ഉദ്ഘാടനം ചെയ്തു. എൻ.കെ. പ്രേമചന്ദ്രൻ എം.പി മുഖ്യപ്രഭാഷണം നടത്തി. നഗരസഭാ ചെയർമാൻ എം.എ. രാജഗോപാൽ അധ്യക്ഷത വഹിച്ചു. കേരള ബാസ്കറ്റ് ബാൾ അസോസിയേഷൻ ജനറൽ സെക്രട്ടറി ഡോ. പ്രിൻസ് കെ. മറ്റം പതാക ഉയർത്തി. കൺവീനർ അശോക് വി. വിക്രമൻ സ്വാഗതവും കൺവീനർ എസ്. നൗഷറുദ്ദീൻ നന്ദിയും പറഞ്ഞു. 22 വരെ നീളുന്ന മത്സരത്തിൽ 14 ജില്ലകളിലെ 28 ടീമുകളിൽനിന്ന് മുന്നൂറിൽപരം പുരുഷ- വനിത കായികതാരങ്ങൾ പങ്കെടുക്കും. മേയ് ഏഴ് മുതൽ ലുധിയാനയിൽ നടക്കുന്ന ജൂനിയർ നാഷനൽ ബാസ്കറ്റ് ബാൾ മത്സരത്തിനുള്ള കേരള ടീമിനെ പുനലൂരിൽനിന്ന് തെരഞ്ഞെടുക്കും. ജില്ലകൾ തമ്മിൽ ആറുമത്സരം നടക്കും. 21ന് ക്വാർട്ടർ ഫൈനലും സെമിഫൈനലും 22ന് വൈകീട്ട് ആറിന് ഫൈനൽ മത്സരവും നടക്കും. ബുധനാഴ്ച ജില്ല ടീമുകളുടെ റോഡ്മാർച്ച് ടി.ബി ജങ്ഷനിൽനിന്ന് തുടങ്ങി ഗവ. എച്ച്.എസ്.എസിൽ സമാപിക്കും.