കഠ്​വ കൊലപാതകം: പള്ളിക്കല്‍ പഞ്ചായത്ത് പ്രധാനമന്ത്രിയെ പ്രതിഷേധമറിയിക്കും

കിളിമാനൂർ: ജമ്മുവിലെ കഠ്വയില്‍ എട്ടുവയസ്സുകാരിയെ തടങ്കലില്‍ പാർപ്പിച്ച് കൂട്ടബലാത്സംഗത്തിനിരയാക്കി കൊലപ്പെടുത്തിയ സംഭവത്തില്‍ പള്ളിക്കല്‍ പഞ്ചായത്ത് കമ്മിറ്റി യോഗം ചേർന്ന് ഐക്യകണ്ഠ്യേന പ്രതിഷേധ പ്രമേയം പാസാക്കി. പ്രമേയം കത്തിലൂടെയും ഇ-മെയിലൂടെയും പ്രധാനമന്ത്രിയുടെ ഓഫിസിലേക്ക് അയക്കുവാനും തീരുമാനിച്ചു. പ്രസിഡൻറ് അടുക്കൂർ ഉണ്ണി പ്രമേയം അവതരിപ്പിച്ചു.