--സി.പി.ഐ പാര്‍ട്ടി കോണ്‍ഗ്രസ്: കലാസാഹിത്യമത്സരങ്ങള്‍ 17ന്

കൊല്ലം: --സി.പി.ഐ പാര്‍ട്ടി കോണ്‍ഗ്രസി​െൻറ ഭാഗമായുള്ള കലാ സാഹിത്യമത്സരങ്ങള്‍ 17 മുതല്‍ 21 വരെ കൊല്ലത്ത് നടക്കും. 17ന് രാവിലെ 9.30ന് കടപ്പാക്കട സ്‌പോര്‍ട്‌സ് ക്ലബില്‍ കവി കുരീപ്പുഴ ശ്രീകുമാര്‍ ഉദ്ഘാടനം ചെയ്യും. ജില്ലാ സെക്രട്ടറി എന്‍. അനിരുദ്ധന്‍, ഡോ. വള്ളിക്കാവ് മോഹന്‍ദാസ് എന്നിവര്‍ പങ്കെടുക്കും. തുടർന്ന് അഞ്ച് ദിവസങ്ങളിലായി വിവിധ കലാസാഹിത്യമത്സരങ്ങള്‍ നടക്കും. മത്സരങ്ങളിൽ ഓരോ വിഭാഗത്തിലും ഒന്ന് മുതല്‍ മൂന്നുവരെ സ്ഥാനം നേടുന്നവര്‍ക്ക് ക്യാഷ്‌പ്രൈസ്, സര്‍ട്ടിഫിക്കറ്റ് എന്നിവ ലഭിക്കും. ചിത്രരചനാ മത്സരത്തിന് പത്ത് പ്രോത്സാഹന സമ്മാനങ്ങളും ഉണ്ടാകും. വിജയികളുടെയും സമ്മാനാര്‍ഹരുടെയും ചിത്രങ്ങള്‍ ജനയുഗം സഹപാഠിയില്‍ പ്രസിദ്ധീകരിക്കും. മത്സരാര്‍ഥികള്‍ക്ക് ജനയുഗം ഒാൻലൈനില്‍ നേരിട്ട് പേര് രജിസ്റ്റര്‍ ചെയ്യാം. ഫോണ്‍: 9446785055, 9746180452.