മുദ്രപ്പത്ര ക്ഷാമം പരിഹരിക്കാൻ നടപടിയായെന്ന്​ സർക്കാർ ഹൈകോടതിയിൽ

കൊച്ചി: മുദ്രപ്പത്ര ക്ഷാമം പരിഹരിക്കാൻ ദ്രുതഗതിയിൽ നടപടികൾ സ്വീകരിച്ചതായി സർക്കാർ ഹൈകോടതിയിൽ. േമേയാടെ നാസിക്കിൽനിന്ന് ഇവ എത്തിക്കാൻ നടപടിയായിട്ടുണ്ട്. നിലവിലെ മൂല്യം കുറഞ്ഞവക്ക് നിയമപരമായി മൂല്യം കൂട്ടാൻ (റീവാലിഡേഷൻ) നിർദേശം നൽകിയിട്ടുണ്ടെന്നും കൊച്ചി കോർപറേഷൻ കൗൺസിലർ തമ്പി സുബ്രഹ്മണ്യം നൽകിയ ഹരജിയിൽ സ്റ്റേറ്റ് അറ്റോർണി അറിയിച്ചു. മുദ്രപ്പത്രങ്ങളുടെ കടുത്ത ക്ഷാമം പൊതുജനത്തെ വലക്കുന്നതായി ചൂണ്ടിക്കാട്ടിയാണ് ഹരജി നൽകിയത്.