ജി.എസ്​.ടി -കോമ്പൊസിഷൻ സ്​കീം 30 വരെ

തിരുവനന്തപുരം: ചരക്ക്സേവന നികുതി നിയമപ്രകാരം കോമ്പൊസിഷൻ സ്കീം െതരഞ്ഞെടുക്കാനുള്ള അവസരം സെപ്റ്റംബർ 30ന് അവസാനിക്കും. വാർഷിക വിറ്റുവരവ് 75 ലക്ഷത്തിൽ താഴെയുള്ള ചെറുകിട വ്യാപാരികൾ, ഉൽപാദകർ, റെസ്റ്റാറൻറുകൾ എന്നിവർക്കാണ് കോമ്പൊസിഷൻ സ്കീം െതരഞ്ഞെടുക്കാൻ അവസരമുള്ളത്. സ്കീം തെരഞ്ഞെടുത്ത വ്യാപാരികൾ വിറ്റുവരവി​െൻറ ഒരു ശതമാനവും ഉൽപാദകർ രണ്ടുശതമാനവും റെസ്റ്റാറൻറുകൾ അഞ്ചുശതമാനവും നികുതിയാണ് അടയ്േക്കണ്ടത്. ഇവർ ഉപഭോക്താക്കളിൽനിന്ന് നികുതി പിരിക്കാനും പാടില്ല. ആഗസ്റ്റ് 16ന് ശേഷം മൈേഗ്രറ്റ് ചെയ്ത വ്യാപാരികൾക്കും പുതിയ രജിസ്ട്രേഷൻ എടുത്ത വ്യാപാരികൾക്കും കൂടി അവസരം നൽകുന്നതിനാണ് കോമ്പൊസിഷൻ സ്കീം സെപ്റ്റംബർ 30 വരെ നീട്ടിയതെന്ന് സംസ്ഥാന ചരക്ക് സേവന നികുതി വകുപ്പ് അറിയിച്ചു.