കനത്തമഴയിൽ മരങ്ങൾ കടപുഴകി

കഴക്കൂട്ടം: കഴക്കൂട്ടം, ശ്രീകാര്യം, തുമ്പ, ആക്കുളം, പോത്തൻകോട്, മംഗലപുരം എന്നിവിടങ്ങളിൽ വ്യാപക നാശം. പലയിടത്തും മരങ്ങൾ കടപുഴകി. ഇടവക്കോട് സ്വകാര്യവ്യക്തിയുടെ പുരയിടത്തിൽനിന്ന് മരം കടപുഴകി വൈദ്യുതി ബന്ധം തടസ്സപ്പെട്ടു. ശ്രീകാര്യം പാങ്ങപ്പാറ ഞായറാഴ്ച പുലർച്ച ഒന്നോടെ ദേശീയപാതയിൽ വൻ മരം കടപുഴകി. മണിക്കൂറുകളോളം ഗതാഗതവും വൈദ്യുതിയും തടസ്സപ്പെട്ടു. താഴ്ന്ന പ്രദേശങ്ങൾ വെള്ളത്തിനടിയിലാണ്. തോടുകളും ജലാശയങ്ങളും പലയിടത്തും കരകവിഞ്ഞു. ഇന്നുകൂടി മഴ ശക്തമായി നിൽക്കുകയാണങ്കിൽ തെറ്റിയാർ കരകവിയും.