ഔഷധ സസ്യ ബോര്‍ഡി​െൻറ പ്രവര്‍ത്തനങ്ങള്‍ മികവുറ്റതാക്കും ^മന്ത്രി ശൈലജ

ഔഷധ സസ്യ ബോര്‍ഡി​െൻറ പ്രവര്‍ത്തനങ്ങള്‍ മികവുറ്റതാക്കും -മന്ത്രി ശൈലജ തിരുവനന്തപുരം: സംസ്ഥാനത്ത് പ്രവര്‍ത്തിക്കുന്ന ഔഷധസസ്യ ബോര്‍ഡി​െൻറ സേവനങ്ങള്‍ സമൂഹത്തി​െൻറ നാനാതട്ടിലേക്കും വ്യാപിപ്പിക്കുന്നതിന് പ്രത്യേകപദ്ധതികള്‍ നടപ്പാക്കുമെന്ന് മന്ത്രി കെ.കെ. ശൈലജ അറിയിച്ചു. വീടുകളില്‍ അവശ്യ കൃഷി പ്രോത്സാഹിപ്പിക്കുന്നതി​െൻറ ഭാഗമായി ഒരു വേപ്പി​െൻറയും കറിവേപ്പി​െൻറയും തൈ സൗജന്യമായി വിതരണംചെയ്യുന്നതി​െൻറ സംസ്ഥാനതല ഉദ്ഘാടനം നവംബറില്‍ നടത്താന്‍ തീരുമാനിച്ചതായി മന്ത്രി പറഞ്ഞു. കേരളത്തിലെ നിര്‍മാണമേഖലയിലും മറ്റ് തൊഴില്‍ മേഖലകളിലും തൊഴിലെടുക്കുന്ന ഇതരസംസ്ഥാന തൊഴിലാളികളുടെ കുട്ടികള്‍ക്ക് കേരളത്തിലാദ്യമായി മൊബൈല്‍ ക്രഷ് ആരംഭിക്കുമെന്നും മന്ത്രി വ്യക്തമാക്കി. വയനാട് ജില്ലയിലെ ആദിവാസി വിഭാഗങ്ങളുടെ മാനസികാരോഗ്യ പരിപാലനത്തിന് മൊബൈല്‍ മ​െൻറല്‍ ഹെല്‍ത്ത് ക്ലിനിക്ക് ആരംഭിക്കാന്‍ തീരുമാനിച്ചിട്ടുണ്ട്. ഈ പദ്ധതി നടപ്പിലാക്കുന്നതിന് 25.50 ലക്ഷം രൂപയുടെ പ്രവര്‍ത്തനങ്ങള്‍ക്ക് ഭരണാനുമതി നല്‍കിയതായി മന്ത്രി അറിയിച്ചു.