വസ്തു ഉടമകളില്‍നിന്ന്​ അപേക്ഷ ക്ഷണിച്ചു

കിളിമാനൂര്‍: ബ്ലോക്ക് പഞ്ചായത്തി​െൻറ നേതൃത്വത്തില്‍ ലൈഫ് പദ്ധതിയുടെ ഭാഗമായി ബ്ലോക്ക് പരിധിയിലെ എട്ട് പഞ്ചായത്തുകളിെല ഭവനരഹിതര്‍ക്കായി ഭവനസമുച്ചയങ്ങൾ നിർമിക്കും. ഇതിന് തണ്ണീർത്തടങ്ങള്‍, വയലുകള്‍ എന്നിവ നികത്തിയതല്ലാത്തതും അമ്പത് സ​െൻറില്‍ കുറയാത്ത വാഹനം പ്രവേശിക്കുന്ന ജലലഭ്യതയുള്ളതുമായ കരപ്രദേശങ്ങള്‍ വിലക്ക് നല്‍കാന്‍ താല്‍പര്യമുള്ള വസ്തു ഉടമകളില്‍ നിന്ന് അപേക്ഷ ക്ഷണിച്ചു. 25ന് മുമ്പ് ബ്ലോക്ക് പഞ്ചായത്തില്‍ അപേക്ഷ നല്‍കണമെന്ന് പ്രസിഡൻറ് ശ്രീജാ ഷൈജുദേവ് അറിയിച്ചു.