കോൺഗ്രസിൽ പോര്: സഹകരണസംഘത്തിൽ ഇന്ന് അവിശ്വാസചർച്ച

കുണ്ടറ: കോൺഗ്രസ് മാത്രം ഭരണസമിതി അംഗങ്ങളായുള്ള കുണ്ടറ പഞ്ചായത്ത് സർവിസ് സഹകരണസംഘ(ക്യൂ-401)ത്തിൽ വെള്ളിയാഴ്ച അവിശ്വാസചർച്ച. നിലവിലെ പ്രസിഡൻറ് കല്ലുപുറം മാമച്ചനെതിരെ കോൺഗ്രസിലെ തന്നെ കുണ്ടറ സുബ്രഹ്മണ്യമാണ് അവിശ്വാസത്തിന് നോട്ടീസ് നൽകിയത്. കഴിഞ്ഞ് മൂന്ന് ടേമായി കോൺഗ്രസി​െൻറ കൈവശമുള്ള സഹകരണസംഘമാണിത്. മുക്കംപണ്ടം വെച്ച് പണം നൽകിയെന്നും പിന്നീടത് ഒത്തുതീർപ്പാക്കിയെന്നും ഒരുവിഭാഗം ആരോപിക്കുമ്പോൾ മറുഭാഗം വലിയഅഴിമതിയും സ്വജനപക്ഷപാതവുമാണ് ആരോപിക്കുന്നത്. അവിശ്വാസപ്രമേയചർച്ച ഒഴിവാക്കാനുള്ള ചർച്ച മുതിർന്ന നേതാക്കൾ ഇടപെട്ട് നടത്തുന്നുണ്ട്. ആകെ പതിനൊന്നംഗ സമിതിയിൽ ആറ് പേർ അവിശ്വാസത്തിന് നോട്ടീസ് നൽകിയവർക്കൊപ്പമാണ്.