ഓണം ഘോഷയാത്ര ഇന്ന്; മിഴിവേകാൻ 12 കലാരൂപങ്ങൾ

*വൈകീട്ട് അഞ്ചിന് വെള്ളയമ്പലത്ത് മുഖ്യമന്ത്രി ഫ്ലാഗ് ഓഫ് ചെയ്യും തിരുവനന്തപുരം: രാജ്യത്തെ വൈവിധ്യമാർന്ന 12 കലാരൂപങ്ങൾ ശനിയാഴ്ച ഓണം ഘോഷയാത്രക്ക് ചാരുതയേകും. കേരള ടൂറിസം വകുപ്പിനുവേണ്ടി ഭാരത് ഭവനും സൗത്ത് സോൺ കൾച്ചറൽ സ​െൻററും ചേർന്നാണ് 180ഒാളം വരുന്ന 12 ദേശങ്ങളിലെ കലാരൂപങ്ങൾ കാഴ്ച വെക്കുന്നത്. അസമി​െൻറ ബിഹുനൃത്തം, രാജസ്ഥാ​െൻറ ചക്രിനൃത്തം, നോർത്ത് കർണാടകയുടെ ഡോലു കുനിത, പുതുച്ചേരിയുടെ തപ്പാട്ടം, കശ്മീരി​െൻറ റൗഫ്, ആന്ധ്രപ്രദേശി​െൻറ ദപ്പുനൃത്തം, പശ്ചിമബംഗാളി​െൻറ ഛൗനൃത്തം, തെലങ്കാനയുടെ മാഥുരി നൃത്തം, ഗുജറാത്തി​െൻറ രത്വ, തമിഴ്നാടി​െൻറ കരഗാട്ടം, സൗത്ത് കർണാടകയുടെ വീർഗാസി, ഹരിയാനയുടെ ഫാഗ് എന്നീ 12 കലാരൂപങ്ങളാണ് മലയാളത്തി​െൻറ ഓണപ്പൊലിമക്ക് മിഴിവേകാനെത്തുന്നത്. രാജസ്ഥാനിലെ മൺവീടും മുറ്റവുമായി ഒരുക്കിയ ഫ്ലോട്ടിൽ ചക്രിനൃത്തവും ദാൽ തടാകത്തിലെ കശ്മീരി ചങ്ങാടത്തിൽ റൗഫ് നൃത്തവും അരങ്ങേറും. ഓണാഘോഷങ്ങൾക്കായി 12 ഇന്ത്യൻ കലാസംഘങ്ങൾ വിരുന്നെത്തുന്നത് ആദ്യമായാണ്. ടൂറിസം മന്ത്രി കടകംപള്ളി സുരേന്ദ്ര​െൻറ സാന്നിധ്യത്തിൽ മുഖ്യമന്ത്രി പിണറായി വിജയൻ ഘോഷയാത്ര ഫ്ലാഗ് ഓഫ് ചെയ്യും. വൈകീട്ട് അഞ്ചിന് വെള്ളയമ്പലത്തുനിന്ന് ആരംഭിക്കുന്ന ഘോഷയാത്രയിൽ നൂറോളം നിശ്ചലദൃശ്യങ്ങളുണ്ടാകും. മൂവായിരത്തോളം കലാകാരന്മാരും അണിനിരക്കും.