'മിനിമം വേതനം നടപ്പാക്കണം'

തിരുവനന്തപുരം: ആയുർവേദ ജീവനക്കാർക്ക് പുതുക്കി നിശ്ചയിച്ച മിനിമം വേതനം ഉടൻ നടപ്പാക്കണമെന്ന് ഒാൾ ഇന്ത്യ ആയുർവേദ എംപ്ലോയീസ് തെറപ്പിസ്റ്റ് അസോസിയേഷൻ ജില്ല നേതൃയോഗം ആവശ്യപ്പെട്ടു. മുൻകാല പ്രാബല്യത്തോടെ 2013 മുതൽ നടപ്പാക്കാൻ ഗവൺമ​െൻറ് നിർദേശിച്ചിട്ടും പുതുക്കിയ വേതനം നൽകാൻ അധികൃതർ തയാറാകാത്തതിൽ യോഗം പ്രതിഷേധിച്ചു. ഇതുസംബന്ധിച്ച് തൊഴിൽ വകുപ്പിനും ലേബർ ഒാഫിസർമാർക്കും പരാതി നൽകിയതായും അറിയിച്ചു. കരമന നവകേരള സ​െൻററിൽ ചേർന്ന യോഗത്തിൽ പ്രസിഡൻറ് ഷാജൻകാവിട് അധ്യക്ഷതവഹിച്ചു. പി.ബി. ജയപ്രകാശ്, പി.കെ. അഭിലാഷ്, എൻ. രാജഗോപാല പ്രഭു, കെ. അജിത്, അഗസ്ത്യൻ ഉത്രംകോട് എന്നിവർ സംസാരിച്ചു. കെ. ബാബു സ്വാഗതവും എൻ.വി. ധനേഷ് നന്ദിയും പറഞ്ഞു.