തെക്കൻ ജില്ലകളിൽ സ്ത്രീധനസമ്പ്രദായം ശക്തം ^മന്ത്രി ഇ. ചന്ദ്രശേഖരൻ

തെക്കൻ ജില്ലകളിൽ സ്ത്രീധനസമ്പ്രദായം ശക്തം -മന്ത്രി ഇ. ചന്ദ്രശേഖരൻ ചാത്തന്നൂർ: സംസ്ഥാനത്ത് തെക്കൻ ജില്ലകളിൽ സ്ത്രീധന സമ്പ്രദായം ഇപ്പോഴും ശക്തമാണെന്നും വടക്കൻ ജില്ലകളിൽ ഇത്തരം പ്രവണതകൾ ഇല്ലെന്നും മന്ത്രി ഇ. ചന്ദ്രശേഖരൻ. ഇത്തിക്കര ബ്ലോക്ക് പഞ്ചായത്തി​െൻറ 2016-17 പദ്ധതിയിൽ ഉൾപ്പെടുത്തി നിർമിച്ച സ്ത്രീശാക്തീകരണം ഡോക്യുമ​െൻററി ചാത്തന്നൂ‌രിൽ ഉദ്ഘാടനം ചെയ്യുകയായിരുന്നു അദ്ദേഹം. സ്ത്രീധന സമ്പ്രദായത്തിനെതിരെ ജനത്തെ ചിന്തിപ്പിക്കുന്നതാണ് ഇത്തിക്കര ബ്ലോക്ക് പഞ്ചായത്ത് നിർമിച്ച് നോട്ട് ഫോർ സെയിൽ എന്ന ഹ്രസ്വചിത്രം. സംസ്ഥാനത്തിന് മാതൃകയായി ആദ്യമായി സ്ത്രീധനത്തിനെതിരെ നിർമിച്ച ഡോക്യുമ​െൻററിയാണ് ഇതെന്നും സ്ത്രീധനമാണ് കുടുംബബന്ധങ്ങളെ തകർക്കുന്നതിൽ ഇന്നും പ്രധാന പങ്ക് വഹിക്കുന്നതെന്നും അദ്ദേഹം പറഞ്ഞു. ജി.എസ്. ജയലാൽ എം.എൽ.എ അധ്യക്ഷത വഹിച്ചു. സുമേഷ് ചാത്തന്നൂരിേൻറതാണ് തിരക്കഥ. വിവേക് ചാത്തന്നൂരാണ് സംവിധായകൻ.