ഗുരുജയന്തി ആഘോഷവും ചെമ്പഴന്തിയിലേക്ക്​ ജയന്തിസന്ദേശ ജാഥയും

കൊല്ലം: ഗുരുധർമ പ്രചാരണസംഘം സംസ്ഥാന കമ്മിറ്റി ആഭിമുഖ്യത്തിൽ ശ്രീനാരായണ ഗുരുവി​െൻറ 163ാം ജയന്തിആഘോഷവും ഗുരുവി​െൻറ ജന്മഗൃഹമായ ചെമ്പഴന്തി ഗുരുകുലത്തിലേക്ക് ജയന്തിസന്ദേശ ജാഥയും 'നമുക്ക് ജാതിയില്ല' വിളംബരത്തി​െൻറ 100ാം വാർഷികാഘോഷവും സെപ്റ്റംബർ ആറിന് പുത്തൂർ തെക്കുംപുറം ചുണ്ടാലിൽ നടക്കും. രാവിലെ ഏഴിന് ഗുരു പ്രാർഥനസംഗമം ബിനു ചൂണ്ടാലി നയിക്കും. ഒമ്പതിന് നമുക്ക് ജാതിയില്ല വിളംബരത്തി​െൻറ 100ാം വാർഷികാഘോഷ സമ്മേളനം ഡി.സി.സി സെക്രട്ടറി പാത്തല രാഘവൻ ഉദ്ഘാടനം ചെയ്യും. ബി. സ്വാമിനാഥൻ അധ്യക്ഷത വഹിക്കും. 10ന് ജയന്തി ആഘോഷവും ചെമ്പഴന്തിയിലേക്ക് ജയന്തി സന്ദേശജാഥയും സംസ്ഥാന ചെയർമാൻ എഴുകോൺ രാജ്മോഹൻ ജാഥ ക്യാപ്റ്റൻ എസ്. ശാന്തിനിക്ക് പീതപതാക നൽകി ഉദ്ഘാടനം ചെയ്യും. സംസ്ഥാന ജനറൽ സെക്രട്ടറി മധു മാറനാട് അധ്യക്ഷത വഹിക്കും. ഗുരുവി​െൻറ ജയന്തിസന്ദേശം കളപ്പില എം. ഹരീന്ദ്രൻ നൽകും.