പഠനോപകരണങ്ങളാൽ അത്തക്കളമൊരുക്കി കുട്ടികൾ

തഴവ: പൊന്നോണത്തെ വരവേൽക്കാൻ വേറിട്ടവഴികളിലൂടെ സഞ്ചരിക്കുകയാണ് തഴവ ആദിത്യവിലാസം ഗവ.ഹൈസ്കൂളിലെ വിദ്യാർഥികൾ. കഴിഞ്ഞ ഓണത്തിന് 500ൽപരം കുട്ടികളെ അണിനിരത്തി ചലിക്കുന്ന അത്തക്കളമൊരുക്കി കാണികളെ വിസ്മയിപ്പിച്ച കുട്ടികൾ ഇക്കുറി പഠനോപകരണങ്ങൾകൊണ്ടാണ് അത്തക്കളമൊരുക്കിയത്. ബാഗുകൾ, കുടകൾ, പുസ്തകങ്ങൾ, ശാസ്ത്ര -കായിക ഉപകരണങ്ങൾ തുടങ്ങിയവ മനോഹരമായി കോർത്തിണക്കിയാണ് അത്തക്കളം ഒരുക്കിയത്. സ്കൂളിലെ ചിത്രകലാ അധ്യാപകൻ സി. രാജേന്ദ്ര​െൻറ മേൽനോട്ടത്തിലാണ് കുട്ടികൾ വ്യത്യസ്തമായ അത്തക്കളം നിർമിച്ചത്. ഹെ‌‌ഡ്മാസ്റ്റർ ഡി. സദാനന്ദൻ, പി.ടി.എ പ്രസിഡൻറ് കെ. സതീശൻ, എസ്.എം.സി ചെയർമാൻ പോണാൽ നന്ദകുമാർ, വൈസ് പ്രസിഡൻറ് തഴവ സമദ്, മാതൃസമിതി പ്രസിഡൻറ് സീനാ നവാസ്, അജിത്കുമാർ തുടങ്ങിയവർ നേതൃത്വംനൽകി. ഓണാഘോഷത്തി​െൻറ ഭാഗമായി പായസവിതരണം, കലാപരിപാടികൾ എന്നിവയും സംഘടിപ്പിച്ചു.