പാമ്പി​െൻറ അവശിഷ്​ടം; വെള്ളം ഉപയോഗിക്കാൻ കഴിയാതെ വീട്ടുകാർ

പന്മന: കുടിവെള്ളത്തിൽ പാമ്പി​െൻറ അവശിഷ്ടം കണ്ടെത്തിയതിനാൽ വെള്ളം ഉപയോഗിക്കാനാകാതെ വീട്ടുകാർ വലയുന്നു. പന്മന ചിറ്റൂർ ഗീതയുടെ വീട്ടിൽ കെ.എം.എം.എൽ കമ്പനി വിതരണം ചെയ്യുന്ന പൈപ്പിൽനിന്നാണ് ചേരയുടേതെന്ന് സംശയിക്കുന്ന അവശിഷ്ടം കിട്ടിയത്. മൂന്നുദിവസമായി വെള്ളത്തിന് അസഹനീയമായ ദുർഗന്ധം ഉള്ളതിനാൽ വീട്ടുകാർ വെള്ളം ഉപയോഗിച്ചിരുന്നില്ല. തുടർന്ന് വ്യാഴാഴ്ച രാവിലെ പൈപ്പി​െൻറ ഒരുഭാഗം അഴിച്ചപ്പോൾ വാലി​െൻറ ഒരുഭാഗം കിട്ടി. എന്നാൽ, പിന്നീടും ദുർഗന്ധം വന്നതിനാൽ വൈകീട്ടും ഇതേഭാഗം അഴിച്ചുനോക്കിയപ്പോൾ പാമ്പി​െൻറ തലഭാഗവും കൂടി കിട്ടി. സമീപത്തെ മറ്റ് വീടുകളിലൊന്നും ദുർഗന്ധം അനുഭവപ്പെട്ടില്ല എന്ന് സമീപവാസികൾ പറയുന്നു. സംഭവമറിഞ്ഞ് കമ്പനി ഉദ്യോഗസ്ഥരെത്തി പരിശോധന നടത്തി. എങ്ങനെയാണ് പൈപ്പിൽ അവശിഷ്ടങ്ങൾ വന്നതെന്ന് കണ്ടെത്താനായില്ല. എന്നാൽ, പൈപ്പ് ലൈൻ എവിടെയെങ്കിലും പൊട്ടിക്കിടന്ന് അവശിഷ്ടങ്ങൾ കയറിയതെന്ന നിഗമനത്തിലാണ് വീട്ടുകാർ.