ഡ്യൂട്ടി പരിഷ്കരണം: ചർച്ചയിൽ തീരുമാനമായില്ല

തിരുവനന്തപുരം: കെ.എസ്.ആർ.ടി.സിയിലെ ഡ്യൂട്ടി പരിഷ്കരണവുമായി ബന്ധപ്പെട്ട് കഴിഞ്ഞദിവസം നടന്ന ചർച്ച തീരുമാനമാകാതെ പിരിഞ്ഞു. ഡബിൾ ഡ്യൂട്ടി ഒഴിവാക്കിയതിനെതിരെ ഒരുവിഭാഗം ജീവനക്കാർ നൽകിയ കേസ് കോടതി പരിഗണനയിലുള്ളതിനാൽ മറ്റ് തീരുമാനങ്ങളൊന്നും എടുക്കാൻ കഴിയില്ലെന്ന് മാനേജ്മ​െൻറ് അറിയിച്ചു. ടി.ഡി.എഫ്, വെൽഫെയർ അസോസിയേഷൻ എന്നിവർക്ക് പുറമെ ചില ജീവനക്കാർ നേരിട്ടും കോടതിയെ സമീപിച്ചിരുന്നു.