കാമ്പസ്​ സംഘടന സ്വാതന്ത്ര്യം: കമീഷൻ റിപ്പോർട്ട്​ ഉടൻ നടപ്പാക്കണം ^ജി. സുഗുണൻ

കാമ്പസ് സംഘടന സ്വാതന്ത്ര്യം: കമീഷൻ റിപ്പോർട്ട് ഉടൻ നടപ്പാക്കണം -ജി. സുഗുണൻ തിരുവനന്തപുരം: കോളജുകളിലെ വിദ്യാർഥികളുടെ സംഘടന പ്രവർത്തനസ്വാതന്ത്ര്യത്തിന് നിയമനിർമാണം നടത്തണമെന്ന ജസ്റ്റിസ് കെ.കെ. ദിനേശൻ കമീഷൻ റിപ്പോർട്ട് സംസ്ഥാന സർക്കാർ ഉടൻ നടപ്പാക്കണമെന്ന് സി.എം.പി പോളിറ്റ്ബ്യൂറോ അംഗം അഡ്വ. ജി. സുഗുണൻ ആവശ്യപ്പെട്ടു. പ്രസിദ്ധീകരിക്കപ്പെട്ട ജസ്റ്റിസ് ദിനേശൻ കമീഷൻ റിപ്പോർട്ടിനെ സംബന്ധിച്ച് പ്രതികരിക്കുകയായിരുന്നു അദ്ദേഹം. വിദ്യാർഥികൾക്ക് സംഘടനസ്വാതന്ത്ര്യം അനുവദിക്കുന്നതിന് സർക്കാർ കൊണ്ടുവരുന്ന പുതിയനിയമത്തിൽ എല്ലാ സ്വാശ്രയ കോളജുകളെയും ഉൾപ്പെടുത്തണമെന്നുള്ള കമീഷൻ നിർേദശം സ്വാഗതാർഹമാണെന്ന് സുഗുണൻ പറഞ്ഞു.