എൽ.ഐ.സി ഏജൻറുമാർ ഡിവിഷൻ ഓഫിസിലേക്ക് മാർച്ചും ധർണയും നടത്തി

തിരുവനന്തപുരം: ഇൻഷുറൻസ് പ്രീമിയത്തിന്മേൽ ചുമത്തിയ ജി.എസ്.ടി പിൻവലിക്കുക, തൊഴിൽ സുരക്ഷിതത്വം ഉറപ്പുവരുത്തുക, ഏജൻറുമാർക്ക് പെൻഷനും ക്ഷേമനിധിയും നടപ്പാക്കുക, എല്ലാ ഏജൻറുമാർക്കും മെഡിക്ലെയിം ഏർപ്പെടുത്തുക, ഡയറക്ട് മാർക്കറ്റിങ് നിർത്തലാക്കുക, ഐ.ആർ.ഡി.എ.ഐ നിർദേശിച്ച കമീഷൻ ഏജൻറുമാർക്ക് അനുവദിക്കുക, സി.എൽ.ഐ.എ ഏജൻറുമാരെയും മ്യൂച്വൽഫണ്ട് അഡ്വൈസർമാരെയും സംരക്ഷിക്കുക എന്നീ ആവശ്യങ്ങളുന്നയിച്ച് എൽ.ഐ.സി ഏജൻറ്സ് ഓർഗനൈസേഷൻ ഓഫ് ഇന്ത്യ (സി.ഐ.ടി.യു) തിരുവനന്തപുരം ഡിവിഷൻ ഓഫിസി​െൻറ മുന്നിൽ ധർണ നടത്തി. സി.ഐ.ടി.യു സംസ്ഥാന പ്രസിഡൻറ് ആനത്തലവട്ടം ആനന്ദൻ ഉദ്ഘാടനം ചെയ്തു. ഡിവിഷൻ ആക്ടിങ് പ്രസിഡൻറ് വി.കെ. അനിരുദ്ധൻ അധ്യക്ഷത വഹിച്ചു. ഡോ. എ. സമ്പത്ത് എം.പി, ഡോ. പി.ജി. ദിലീപ്, എസ്.എസ്. പോറ്റി, സി. കൃഷ്ണൻകുട്ടി, വി.എസ്. മധു, എൻ. ഗണപതി കൃഷ്ണൻ, കെ.എസ്. റിച്ചാർഡ് എന്നിവർ സംസാരിച്ചു.