സ്​കൂളിന്​ സമീപം കക്കൂസ്​ മാലിന്യമൊഴുക്കിയ വാഹനം പിടികൂടി; മൂന്നുപേർ അറസ്​റ്റിൽ

പാരിപ്പള്ളി: സ്കൂളിന് സമീപം ഒഴിഞ്ഞ പറമ്പിൽ കക്കൂസ് മാലിന്യമൊഴുക്കിയ വാഹനം പൊലീസ് പിടിച്ചെടുത്തു. വാഹനത്തിലുണ്ടായിരുന്ന മൂന്നുപേർ അറസ്റ്റിൽ. എറണാകുളം അരൂർ സ്വദേശികളായ ഷാജി (25), പുഷ്കുമാർ (24), നീതീഷ് (26) എന്നിവരാണ് അറസ്റ്റിലായത്. പാരിപ്പള്ളി അമൃത ഹയർ സെക്കൻഡറി സ്കൂളിന് സമീപമുള്ള ആൾപ്പാർപ്പില്ലാത്ത പറമ്പിൽ മാലിന്യം ഒഴുക്കവെയാണ് ഇവർ പിടിയിലായത്. ആളൊഴിഞ്ഞ പറമ്പിൽ വാഹനം നിർത്തിയിട്ടിരിക്കുന്നതിൽ സംശയം തോന്നി നിരീക്ഷിച്ചപ്പോഴാണ് കക്കൂസ് മാലിന്യം ഒഴുക്കുന്നതായി പൊലീസിന്മനസ്സിലായത്. വാഹന ഉടമ ശ്രീരാജിനെതിരെയും കേസെടുത്തിട്ടുണ്ട്.