ലഹരിക്കെതിരെ ബോധവത്​കരണം നടത്തി

കാട്ടാക്കട: പൂവച്ചൽ സർക്കാർ വി ആൻഡ് എച്ച്.എസ്.എസിലെ നാഷനൽ സർവിസ് സ്കീം യൂനിറ്റും കട്ടയ്ക്കോട് സർവിസ് സഹകരണ ബാങ്കും സംയുക്തമായി ലഹരിവസ്തുക്കൾക്കെതിരെ ബോധവത്കരണം നടത്തി. സ്റ്റിക്കറുകൾ, പോസ്റ്ററുകൾ, മറ്റ് ലഘുലേഖകൾ തുടങ്ങിയവ കെ.എസ്.ആർ.ടി.സി ബസുകളിലും മറ്റു സ്വകാര്യ വാഹനങ്ങളിലും ബസ് സ്റ്റോപ്പുകളിലും മറ്റ് പൊതു സ്ഥലങ്ങളിലും പതിപ്പിച്ചു. പി.ടി.എ പ്രസിഡൻറ് പൂവച്ചൽ സുധീർ, പ്രിൻസിപ്പൽ ഇൻ ചാർജ് ഡോ. ശ്രീജയ അരുൺ, അനിഷ, ബാങ്ക് പ്രസിഡൻറ് കാട്ടാക്കട സുബ്രഹ്മണ്യം, പ്രോഗ്രാം ഓഫിസർ സമീർ സിദ്ദീഖി, ഷർളി, ഹരികൃഷ്ണൻ എന്നിവർ നേതൃത്വം നൽകി.