ജില്ല പഞ്ചായത്ത് കൗൺസിൽ ഹാളി​ന് ശിലയിട്ടു

തിരുവനന്തപുരം: ഒരുകോടി മുതൽമുടക്കി നിർമിക്കുന്ന ജില്ല പഞ്ചായത്ത് കൗൺസിൽ ഹാളി​െൻറ ശിലാസ്ഥാപനം പ്രസിഡൻറ് വി.കെ. മധു നിർവഹിച്ചു. വൈസ് പ്രസിഡൻറ് എ. ഷൈലജ ബീഗം അധ്യക്ഷത വഹിച്ചു. സ്റ്റാൻഡിങ് കമ്മിറ്റി ചെയർപേഴ്സൺ എസ്.കെ. പ്രീജ സ്വാഗതവും ജില്ല പഞ്ചായത്ത് സെക്രട്ടറി കെ. ചന്ദ്രശേഖരൻ നായർ നന്ദിയും പറഞ്ഞു. ജില്ല പഞ്ചായത്തി​െൻറ ആധുനികവത്കരണത്തിന് സമഗ്ര പദ്ധതി ഒരുങ്ങുകയാണെന്ന് പ്രസിഡൻറ് വി.കെ. മധു പറഞ്ഞു. പാർക്കിങ്ങിന് പ്രയാസം നേരിടുന്നതുൾപ്പെടെയുള്ള അപര്യാപ്തതകൾ നിലവിലുണ്ട്. കെട്ടിടം പൂർണമായി നവീകരിക്കും. മൂന്നു പദ്ധതികളിലായി മൂന്നരക്കോടി മാറ്റിവെച്ചിട്ടുണ്ട്. നവീകരണത്തിൽ കോൺഫറൻസ് ഹാളി​െൻറ മുഖവും മാറും. നവീകരിച്ച ഡിജിറ്റൽ ലൈബ്രറിയുടെ ഉദ്ഘാടനം നവംബർ ആദ്യവാരം സ്‌പീക്കർ പി. ശ്രീരാമകൃഷ്ണൻ നിർവഹിക്കും. നിർമാണപ്രവർത്തനങ്ങൾ വെള്ളിയാഴ്ച ആരംഭിക്കും. ഊരാളുങ്കൽ ലേബർ കോൺട്രാക്ട് സൊസൈറ്റിക്കാണ് ചുമതല. മാർച്ച് 31നകം കൗൺസിൽ ഹാൾ പൂർത്തീകരിക്കാനാണ് ശ്രമം.