ഇരവിപുരം തീരത്ത്​ വലനിറയെ മുള്ളൻ കാരൽ

ഇരവിപുരം: ഇരവിപുരം തീരപ്രദേശത്തുനിന്ന് തിങ്കളാഴ്ച മത്സ്യബന്ധനത്തിന് പോയവർക്ക് ലഭിച്ചത് വല നിറയെ മുള്ളൻ കാരൽ. മത്സ്യത്തൊഴിലാളികൾ ഏറെ നേരം പണിപ്പെട്ടാണ് കാരലുകളെ വലയിൽനിന്ന് പുറത്തെടുത്തത്. കാരലി​െൻറ മുള്ളുതട്ടി പലരുടെയും കൈമുറിയുകയും വലകൾ നശിക്കുകയും ചെയ്തു. കാരലിന് വില ലഭിച്ചെങ്കിലും വലകൾ തകർന്നത് തൊഴിലാളികളെ വലച്ചു. ഫൈബർ കട്ടമരങ്ങളിൽ പോയവർക്കാണ് മുള്ളൻ കാരൽ ധാരാളമായി ലഭിച്ചത്. മറ്റു മത്സ്യങ്ങൾ സുലഭമായിട്ടില്ലാത്തതിനാലാണ് മുള്ളൻ കാരലിന് വില ലഭിച്ചതെന്ന് തൊഴിലാളികൾ പറയുന്നു.