സ്​റ്റേബസ് നിർത്തലാക്കിയ സംഭവം: സർവകക്ഷിയോഗം വിളിക്കണം

കിളിമാനൂർ: ഡിപ്പോയിൽ നിന്നുള്ള പകൽക്കുറി സ്റ്റേ ബസ് സർവിസ് നിർത്തലാക്കിയ സംഭവത്തിൽ നിലനിൽക്കുന്ന പ്രതിസന്ധി ഒഴിവാക്കാനായി അടിയന്തര സർവകക്ഷിയോഗം വിളിക്കണമെന്ന് മുസ്ലിം ലീഗ് ആറ്റിങ്ങൽ നിയോജകമണ്ഡലം ജനറൽ സെക്രട്ടറി നിസാർ തകരപ്പറമ്പ് ആവശ്യപ്പെട്ടു. സാധാരണക്കാര​െൻറ യാത്രാ സൗകര്യങ്ങൾക്ക് മേലുള്ള അധികൃതരുടെ കടന്നുകയറ്റമാണ് ജനകീയ സർവിസ് നിർത്തലാക്കിയതിന് പിന്നിൽ. രാത്രി എട്ടിന് ശേഷം കിളിമാനൂരിൽ എത്തുന്ന ഒരാൾക്ക് പോങ്ങനാട്, തുമ്പോട്, മടവൂർ, പള്ളിക്കൽ, പകൽക്കുറി മേഖലകളിലേക്ക് യാത്രചെയ്യുന്നതിന് കഴിയാത്ത സാഹചര്യമാണ് നിലവിലെന്നും പറഞ്ഞു.