അധ്യാപകർക്ക്​ പഠന ക്ലാസ്

കിളിമാനൂർ: ഉപജില്ല അറബിക് ടീച്ചേഴ്സ് അക്കാദമിക് കോംപ്ലക്സി​െൻറ ആഭിമുഖ്യത്തിൽ 17ന് 'തൊഴിലിടങ്ങളിലെ മാനസികാരോഗ്യം' വിഷയത്തെ അധികരിച്ച് അധ്യാപകർക്ക് പഠന ക്ലാസ് നടത്തും. കൗൺസലിങ് സൈക്കോളജിസ്റ്റ് നസീറാ നജീബ് ക്ലാസ് നയിക്കും. കിളിമാനൂർ ബ്ലോക്ക് റിസോഴ്സ് സ​െൻററിൽ രാവിലെ 9.-30ന് നടക്കുന്ന പഠന ക്ലാസ് സംസ്ഥാന അറബിക് സ്പെഷൽ ഓഫിസർ ഇൻ ചാർജ് സുനീതി ദേവി ടി.ഡി ഉദ്ഘാടനം ചെയ്യും. കിളിമാനൂർ ഉപജില്ല വിദ്യാഭ്യാസ ഓഫിസർ രാജു അധ്യക്ഷത വഹിക്കും. കിളിമാനൂർ ഉപജില്ലയിലെ എൽ.പി തലം മുതൽ ഹയർ സെക്കൻഡറി തലം വരെയുള്ള എല്ലാ അറബിക് അധ്യാപകരും എത്തിച്ചേരണമെന്ന് കോംപ്ലക്സ് സെക്രട്ടറി എം. തമീമുദ്ദീൻ അറിയിച്ചു.