ഒ.ഇ.സി ആനുകൂല്യം നിർത്തലാക്കൽ: പ്രകടനം നടത്തി

തിരുവനന്തപുരം: പിന്നാക്കവിഭാഗ വിദ്യാർഥികൾക്ക് ഉമ്മൻ ചാണ്ടി സർക്കാർ നടപ്പാക്കിയ വിദ്യാഭ്യാസ ആനുകൂല്യമായ (ഒ.ഇ.സി) നിർത്തലാക്കാനുള്ള എൽ.ഡി.എഫ് സർക്കാറി​െൻറ തീരുമാനത്തിനെതിരെ പണ്ഡിതർ വിളക്കിത്തല നായർ സഭ ജില്ല കമ്മിറ്റിയുടെ നേതൃത്വത്തിൽ അഞ്ച് താലൂക്കുകളിൽ പന്തംകൊളുത്തി പ്രകടനംനടത്തി. നേമം സുരേഷ്, തിരുമല വിജയൻ, ആര്യനാട് സുരേഷ്, ആര്യനാട് മധു, സദൻ, കള്ളിക്കാട് ബിന്ദു, കള്ളിക്കാട് ബിന്ദു, കള്ളിക്കാട് മനു, മെഡിക്കൽ കോളജ് എസ്.എൽ. ബൈജു, നെയ്യാറ്റിൻകര നാഗേന്ദ്രൻ, മൂന്നുകല്ലിന്മൂട് ചന്ദ്രൻ, മണ്ണടിക്കോണം സന്തോഷ്, വഞ്ചിയൂർ ചന്ദ്രൻ, പോത്തൻകോട് അജി എന്നിവർ നേതൃത്വം നൽകി. പിന്നാക്ക സമുദായക്കാരാൽ രൂപംകൊണ്ട കമ്യൂണിസ്റ്റ് പാർട്ടിക്ക് ഇൗവിഭാഗങ്ങൾ വേണ്ടാത്ത അവസ്ഥയാണെന്ന് ജില്ല പ്രസിഡൻറ് തിരുമല വിജയനും നേമം സുരേഷും ആരോപിച്ചു.