കെ.എ.എസ്: സെക്രട്ടേറിയറ്റ്​ ജീവനക്കാരുടെ പണിമുടക്ക് ഇന്ന്​

തിരുവനന്തപുരം: സ്പെഷൽ റൂൾസിന് അംഗീകാരംനൽകി കെ.എ.എസ് രൂപവത്കരണ നീക്കവുമായി മുന്നോട്ടുപോകാനുള്ള സർക്കാർ നിലപാടിൽ പ്രതിഷേധിച്ച് വ്യാഴാഴ്ച സെക്രട്ടേറിയറ്റ് ജീവനക്കാർ പണിമുടക്കുമെന്ന് സെക്രട്ടേറിയറ്റ് ആക്ഷൻ കൗൺസിൽ അറിയിച്ചു. കേരളത്തി​െൻറ ഭരണ പ്രക്രിയയിൽ ദൂരവ്യാപകമായ പ്രത്യാഘാതം ഉണ്ടാക്കുന്ന കെ.എ.എസ് രൂപവത്കരണനീക്കത്തിൽനിന്ന് സർക്കാർ പിന്തിരിയണമെന്ന് ആക്ഷൻ കൗൺസിൽ നേതാക്കളായ ജെ. ബെൻസി, ടി. ശ്രീകുമാർ, എസ്. ഗോപകുമാർ എന്നിവർ ആവശ്യപ്പെട്ടു. വ്യാഴാഴ്ചത്തെ പണിമുടക്ക് വിജയിപ്പിക്കണമെന്നാവശ്യപ്പെട്ട് ആക്ഷൻ കൗൺസിലി​െൻറ നേതൃത്വത്തിൽ നൂറുക്കണക്കിന് ജീവനക്കാർ ബുധനാഴ്ച സെക്രേട്ടറിയറ്റിൽ പ്രചാരണപ്രവർത്തനങ്ങൾ നടത്തി.