മോഷ്​ടാവ്​ അറസ്​റ്റിൽ

കൊല്ലം: പള്ളിത്തോട്ടത്ത് രണ്ട് വീടുകളിൽ മോഷണം നടത്തിയ പ്രതിയെ പൊലീസ് അറസ്റ്റ് ചെയ്‌തു. ചവറ സ്വദേശി 'കൂരി നിസാർ' എന്ന നിസാറുദ്ദീനെയാണ് പള്ളിത്തോട്ടം പൊലീസ് പിടികൂടിയത്. ഞായറാഴ്‌ച രാത്രിയിലാണ് പള്ളിത്തോട്ടത്ത് ഇയാൾ മോഷണം നടത്തിയത്. സ്നേഹ നഗറിൽ ജിജിയുടെ വീട്ടിൽനിന്ന് ഒന്നര പവ​െൻറ സ്വർണമാലയും അയൽ വീട്ടിൽനിന്ന് ടോർച്ചും മൊബൈൽ ഫോണുമാണ് കവർന്നത്. രാത്രിയിൽ പട്രോളിങ് ഡ്യൂട്ടിയിലുണ്ടായിരുന്ന എസ്.ഐയും സംഘവും വിവരമറിഞ്ഞത് മുതൽ തീരദേശമേഖലയിലാകെ തിരച്ചിൽ തുടങ്ങി. തിങ്കളാഴ്ച പുലർച്ചെ പോർട്ട് ഭാഗത്ത് നിന്നാണ് പിടിയിലായത്. ടോർച്ചും മൊബൈൽ ഫോണും കണ്ടെത്തിയെങ്കിലും സ്വർണമാല വീണ്ടെടുക്കാനായില്ല.