കൊടുവഴന്നൂർ സ്കൂളിൽ സ്മാർട്ട് ക്ലാസ്മുറികൾ ആരംഭിച്ചു

കിളിമാനൂർ: കൊടുവഴന്നൂർ ഗവ. എച്ച്.എസ്.എസിൽ സ്മാർട്ട് ക്ലാസ്മുറികളുടെ ഉദ്ഘാടനം ജില്ല പഞ്ചായത്ത് പ്രസിഡൻറ് വി.കെ. മധു നിർവഹിച്ചു. ജില്ല പഞ്ചായത്ത് ഫണ്ടിൽനിന്ന് നിർമാണം പൂർത്തീകരിച്ച മഴവെള്ള സംഭരണി, ബയോഗ്യാസ് പ്ലാൻറ്, വായനശാല, സോഷ്യൽ സയൻസ് മ്യൂസിയം എന്നിവയുടെ ഉദ്ഘാടനവും നടന്നു. പി.ടി.എ പ്രസിഡൻറ് ജി. ബാബു അധ്യക്ഷത വഹിച്ചു. ബ്ലോക്ക് പഞ്ചായത്ത് പ്രസിഡൻറ് ശ്രീജ ഷൈജുദേവ്, പ്രഥമാധ്യാപകൻ കെ. സുരേഷ്കുമാർ, പ്രിൻസിപ്പൽ കെ. സുരേഷ് കുമാർ, ജി. ശാന്തകുമാരി, എൻ. സലിൽ, കെ. അനിൽകുമാർ, അനൂപ് ശശി എന്നിവർ സംസാരിച്ചു. ചിത്രവിവരണം കൊടുവഴന്നൂർ സ്കൂളിലെ സ്മാർട്ട് ക്ലാസ് മുറികളുടെ ഉദ്ഘാടനം ജില്ല പഞ്ചായത്ത് പ്രസിഡൻറ് വി.കെ. മധു നിർവഹിക്കുന്നു