കല്ലറ വാസുദേവന്‍പിള്ള അനുസ്മരണം

കല്ലറ: സി.പി.എം ജില്ല കമ്മിറ്റി അംഗവും വെഞ്ഞാറമൂട് ഏരിയ സെക്രട്ടറിയും വാമനപുരം മുന്‍ എം.എല്‍.എയുമായിരുന്ന കല്ലറ വാസുദേവന്‍പിള്ളയുടെ 27ാം ചരമവാര്‍ഷികം ആചരിച്ചു. രാവിലെ കല്ലറ മരുതുമൂട്ടില്‍ സ്മൃതിമണ്ഡപത്തില്‍ പുഷ്പാര്‍ച്ചനക്കുശേഷം നടന്ന അനുസ്മരണ സമ്മേളനം സംസ്ഥാന കമ്മിറ്റി അംഗം കോലിയക്കോട് എന്‍. കൃഷണന്‍നായര്‍ ഉദ്ഘാടനം ചെയ്തു. ആര്‍. രമേശന്‍നായര്‍, അധ്യക്ഷത വഹിച്ചു. ഡി.കെ. മുരളി എം.എൽ.എ, ഏരിയ സെക്രട്ടറി കെ. മീരാന്‍, കല്ലറ മധു, സി. ശശിധരക്കുറുപ്പ്, വി.ടി. ശശികുമാര്‍, കെ. ശാന്തകുമാര്‍, ആര്‍. മോഹനന്‍, എസ്.കെ. സതീഷ്‌ എന്നിവര്‍ സംസാരിച്ചു. എ. മോഹനന്‍ നായര്‍ സ്വാഗതവും ഡി. വിജയകുമാര്‍ നന്ദിയും പറഞ്ഞു.