അംഗപരിമിതന് പത്തനംതിട്ടയിൽ നിയമനം: പട്ടികജാതി വകുപ്പിന് മനുഷ്യാവകാശ കമീഷൻ നോട്ടീസ്​

തിരുവനന്തപുരം: 40 ശതമാനത്തിനുമേൽ അംഗപരിമിതനായ അസിസ്റ്റൻറ് ജില്ല പട്ടികജാതി വികസന ഓഫിസറെ സ്ഥാനക്കയറ്റം നൽകി പത്തനംതിട്ട ജില്ലയിൽ നിയമിച്ചതിനെതിരെ സംസ്ഥാന മനുഷ്യാവകാശ കമീഷൻ കേസെടുത്ത് വിശദീകരണം തേടി. പട്ടികജാതി-വർഗ വകുപ്പ് സെക്രട്ടറി ഒരു മാസത്തിനകം വിശദീകരണം നൽകണമെന്ന് കമീഷൻ ആക്ടിങ് അധ്യക്ഷൻ പി. മോഹനദാസ് ഉത്തരവിട്ടു. കേസ് നവംബർ ഒന്നിന് പരിഗണിക്കും. 35 വർഷം സർവിസുള്ള തിരുവനന്തപുരം അസിസ്റ്റൻറ് ജില്ല പട്ടികജാതി വികസന ഓഫിസറായ എം. അബ്ദുല്ലക്കുഞ്ഞിനെയാണ് സ്ഥലം മാറ്റിയത്.