Begin typing your search above and press return to search.
exit_to_app
exit_to_app
Posted On
date_range 2 Nov 2017 4:59 AM GMT Updated On
date_range 2 Nov 2017 4:59 AM GMTനൗഷാദും ധർണിയും പി.സി.സി.എഫുമാർ
text_fieldsbookmark_border
തിരുവനന്തപുരം: സംസ്ഥാന വനംവകുപ്പിൽ രണ്ട് പ്രിൻസിപ്പൽ ചീഫ് കൺസർവേറ്റർമാരെ കൂടി നിയമിച്ചു. 1987 ബാച്ചിലെ ഐ.എഫ്.എസ് ഓഫിസർമാരായ കെ.എ. മുഹമ്മദ് നൗഷാദ്, അനിരുദ്ധ്കുമാർ ധർണി എന്നിവർക്കാണ് പ്രിൻസിപ്പൽ ചീഫ് ഫോറസ്റ്റ് കൺസർവേറ്റർമാരായി സ്ഥാനക്കയറ്റം നൽകിയത്. മുഹമ്മദ് നൗഷാദ് സാമൂഹിക വനവത്കരണ വിഭാഗത്തിെൻറയും ധർണി ഫോറസ്റ്റ് മാനേജ്മെൻറ് വിഭാഗത്തിെൻറയും ചുമതല വഹിക്കും. രസതന്ത്രത്തിൽ ബിരുദാനന്തര ബിരുദധാരിയായ നൗഷാദ് തൃശൂർ ജില്ലയിലെ പന്നിത്തടം സ്വദേശിയാണ്. വയനാട്, മൂന്നാർ, റാന്നി ഡിവിഷനുകളിൽ ഡിവിഷനൽ ഫോറസ്റ്റ് ഓഫിസറായും കൊല്ലം സതേൺ സർക്കിൾ കൺസർവേറ്ററായും സതേൺ റീജൻ സോഷ്യൽഫോറസ്ട്രി ചീഫ് ഫോറസ്റ്റ് കൺസർവേറ്ററായും പ്രവർത്തിച്ചിട്ടുണ്ട്. ഐ.ഐ.റ്റി ഡൽഹിയിൽനിന്ന് സിവിൽ എൻജിനീയറിങ് ബിരുദധാരിയായ ധർണി ഡെറാഡൂൺ സ്വദേശിയാണ്. പറമ്പികുളത്ത് ഡിവിഷനൽ ഫോറസ്റ്റ് ഓഫിസർ, കേരള കാർഷിക സർവകലാശാല രജിസ്ട്രാർ, കേരള ഫിലിം െഡവലപ്മെൻറ് കോർപറേഷനിൽ എം.ഡി എന്നീ നിലകളിലും ഭോപ്പാലിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് ഫോറസ്റ്റ് മാനേജ്മെൻറിൽ പ്രഫസറായും പ്രവർത്തിച്ചിട്ടുണ്ട്.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story