Begin typing your search above and press return to search.
exit_to_app
exit_to_app
Posted On
date_range 1 Nov 2017 5:17 AM GMT Updated On
date_range 1 Nov 2017 5:17 AM GMTആനി രാജക്കെതിരായ ആക്രമണം: സി.പി.ഐ പ്രതിഷേധ പ്രകടനം സംഘടിപ്പിച്ചു
text_fieldsbookmark_border
തിരുവനന്തപുരം: ഡൽഹിയിൽ കോളനി ഒഴിപ്പിക്കാനെത്തിയെ ഗുണ്ടസംഘത്തെ തടഞ്ഞ സി.പി.ഐ ദേശീയ എക്സിക്യൂട്ടിവ് അംഗം ആനി രാജയെ പൊലീസും ഗുണ്ടകളും ചേർന്ന് മർദിച്ച നടപടിയിൽ പ്രതിഷേധിച്ച് സി.പി.ഐ ജില്ല കൗൺസിലിെൻറ നേതൃത്വത്തിൽ ജി.പി.ഒയിലേക്ക് മാർച്ച് സംഘടിപ്പിച്ചു. മഹിളസംഘം സംസ്ഥാന സെക്രട്ടറി അഡ്വ. പി. വസന്തം ഉദ്ഘാടനം ചെയ്തു. സി.പി.ഐ ജില്ല അസിസ്റ്റൻറ് സെക്രട്ടറി വി.പി. ഉണ്ണികൃഷ്ണൻ അധ്യക്ഷതവഹിച്ചു. സംസ്ഥാന കൗൺസിൽ അംഗങ്ങളായ മാങ്കോട് രാധാകൃഷ്ണൻ, ഇന്ദിര രവീന്ദ്രൻ, അരുൺ കെ.എസ്, എ.ഐ.ടി.യു.സി ജില്ല സെക്രട്ടറി എം. രാധാകൃഷ്ണൻ നായർ, ഡോ. എബി ജോർജ്, ഗീത നസീർ, ഭാർഗവി തങ്കപ്പൻ, മീനാങ്കൽ കുമാർ എന്നിവർ സംസാരിച്ചു. സി.എം.പി പ്രതിഷേധിച്ചു തിരുവനന്തപുരം: ആനി രാജക്കുനേരെ നടന്ന പൊലീസ് ലാത്തിച്ചാർജിൽ സി.എം.പി പോളിറ്റ് ബ്യൂറോ അംഗം അഡ്വ. ജി. സുഗുണൻ പ്രതിഷേധിച്ചു. കരുതിക്കൂട്ടി ആനി രാജയെയും കൂട്ടരെയും ലാത്തിച്ചാർജ് നടത്തിയ പൊലീസ് ഉദ്യോഗസ്ഥർക്കെതിരെ കർശന നടപടി സ്വീകരിക്കണമെന്ന് പ്രസ്താവനയിൽ ആവശ്യപ്പെട്ടു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story