Begin typing your search above and press return to search.
exit_to_app
exit_to_app
Posted On
date_range 18 March 2017 12:29 PM GMT Updated On
date_range 18 March 2017 12:29 PM GMTയുവാവിനെ അടിച്ചുകൊന്ന കേസ്: ഒരാൾകൂടി പിടിയിൽ
text_fieldsbookmark_border
വെള്ളറട: രാത്രി ഹെൽമറ്റ് ധരിച്ചെത്തി വീട്ടിൽ അതിക്രമിച്ച് കടന്ന് യുവാവിനെ അടിച്ചുകൊന്ന കേസിൽ ഒരാൾ കൂടി പിടിയിലായി. ആര്യൻകോട് പൊലീസ് പരിധിയിൽ മൈലച്ചൽ ആണ്ടിക്കുഴി കിഴക്കേരവീട്ടിൽ അനിൽ ആണ് (32) പടിയിലായത്. ഒറ്റശേഖരമംഗലം ഇടവാൽ കുളത്തിൻകര വീട്ടിൽ അരുൺ ആണ് മർദനമേറ്റ് മരിച്ചത്. സംഭവവുമായി ബന്ധപ്പെട്ട് മരിച്ച അരുണിെൻറ സഹോദരീ ഭർത്താവ് വർണൻ, സുഹൃത്ത് സുജിൻ,വിശാഖ് ആഹിൽ എന്നിവർ നേരത്തേ പിടിയിലായിരുന്നു. നെയ്യാറ്റിൻകര ഡിവൈ.എസ്.പി ഹരികുമാർ, പാറശ്ശാല സി.െഎ സന്തോഷ്കുമാർ, ആര്യൻകോട് എസ്.െഎ ശാന്തകുമാറിെൻറ നേതൃത്വത്തിെല സംഘമാണ് അന്വേഷണം നടത്തിയത്. ഒളിവിൽ കഴിഞ്ഞിരുന്ന അനിലിനെ മണ്ഡപത്തിൻകടവിൽനിന്നാണ് പൊലീസ് കസ്റ്റഡിയിൽ എടുത്തത്. കേസിൽ 10ാം പ്രതിയാണ്. ഒളിവിൽ കഴിയുന്ന ഡി.വൈ.എഫ്.െഎ വെള്ളറട ലോക്കൽ കമ്മിറ്റി സെക്രട്ടറി പ്രിൻസ് അടക്കമുള്ളവർ മൊബൈൽ ഫോൺ സ്വിച്ച് ഒാഫ് ചെയ്യുകയോ പുതിയ സിം വാങ്ങി ഉപയോഗിക്കുകയോ ആണെന്നാണ് പൊലീസ് നിഗമനം. പ്രതികൾ ഉടൻ പൊലീസ് വലയിലാകുമെന്ന് ഡിവൈ.എസ്.പി ഹരികുമാർ പറഞ്ഞു.
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.
Next Story