പെണ്‍കുട്ടിയുടെ ആത്മഹത്യ: അന്വേഷണം വഴിത്തിരിവിലേക്ക്

കഴക്കൂട്ടം: 16കാരിയെ തൂങ്ങിമരിച്ചനിലയില്‍ കണ്ടത്തെിയ സംഭവത്തില്‍ പൊലീസ് അന്വേഷണം വഴിത്തിരിവിലേക്ക്. പെണ്‍കുട്ടിയെ രണ്ടു മാസംമുമ്പ് പ്രവേശിപ്പിച്ച ആശുപത്രി അധികൃതരില്‍നിന്നടക്കം മൊഴിയെടുക്കാനൊരുങ്ങുകയാണ് പൊലീസ്. ഫെബ്രുവരി 23നാണ് വീട്ടില്‍ തൂങ്ങിമരിച്ചനിലയില്‍ കണ്ടത്തെിയത്. പോസ്റ്റ്മോര്‍ട്ടം നടത്തിയ ഡോക്ടര്‍ പീഡനം നടന്നതായി നിര്‍ണായക വിവരം നല്‍കിയിട്ടുണ്ട്. രക്ഷിതാക്കളില്‍നിന്നടക്കം പൊലീസ് കഴിഞ്ഞ ദിവസം വീണ്ടും മൊഴിയെടുത്തു. രണ്ടുമാസം മുമ്പ് പെണ്‍കുട്ടി തിരുവനന്തപുരത്ത് എസ്.എ.ടി ആശുപത്രിയില്‍ ചികിത്സ തേടി. എട്ടു ദിവസത്തോളം ഇവിടെ ചികിത്സയിലായിരുന്നു. പെണ്‍കുട്ടിയുമായി അടുപ്പമുള്ളതായി പറയുന്ന യുവാവിനെ ചുറ്റിപ്പറ്റിയും അന്വേഷണം പുരോഗമിക്കുന്നുണ്ട്. മംഗലപുരം പൊലീസിനാണ് കേസിന്‍െറ അന്വേഷണച്ചുമതല.