വീട്ടുമുറ്റത്ത്​ പാർക്ക്​ ചെയ്​തിരുന്ന കാർ എറിഞ്ഞുതകർത്തു

കുന്നിക്കോട്: കാര്യറയിൽ വീണ്ടും വീട്ടുമുറ്റത്ത് കിടന്ന കാർ എറിഞ്ഞുതകർത്തു. കോൺഗ്രസ് മണ്ഡലം പ്രസിഡൻറ് കാര്യറ താവളം അസ്ന മൻസിലിൽ നാസറി​െൻറ വീടിന് മുന്നിൽ പാർക്ക് ചെയ്തിരുന്ന കാറാണ് നശിപ്പിച്ചത്. കഴിഞ്ഞ രാത്രിയിലായിരുന്നു സംഭവം. വാഹനത്തി​െൻറ പിൻഭാഗത്തെ ചില്ല് തകർന്നിട്ടുണ്ട്. മറ്റ് ഭാഗങ്ങളിലും കല്ലേറിൽ നാശമുണ്ടായി. ഇതിനിടെ പനംപറ്റ പേപ്പർമിൽ പാതയിൽ സർക്കാർമുക്ക് ജങ്ഷന് സമീപം നിർത്തിയിട്ടിരുന്ന ലോറിക്ക് നേരെയും അക്രമമുണ്ടായെന്ന് പരാതിയുണ്ട്. പുനലൂർ പൊലീസ് സ്ഥലത്തെത്തി പരിശോധന നടത്തി. അടുത്തിടെയായി മൂന്നാം തവണയാണ് കാര്യറയിൽ വാഹനങ്ങൾ നശിപ്പിക്കപ്പെടുന്നത്.