ഇരുചക്ര വാഹനങ്ങൾ കൂട്ടിയിടിച്ച് രണ്ടുപേർക്ക് പരിക്ക്

ചവറ: ബൈക്കും സ്കൂട്ടറും കൂട്ടിയിടിച്ച് രണ്ടുപേർക്ക് പരിക്കേറ്റു. സ്കൂട്ടർ യാത്രികനായ ശാസ്താംക്കോട്ട വീണ നിവാസ് അംഗവും ചവറയിൽ താമസിക്കുന്ന വിനോദ് (37), ബൈക്ക് യാത്രികനായ പന്മന കുറ്റിവട്ടം സ്വദേശി മാഹിൻ എന്നിവർക്കാണ് പരിക്ക്. ബുധനാഴ്ച രാത്രി പത്തരയോടെ ദേശീയ പാതയിൽ തട്ടാശ്ശേരി ജങ്ഷനിലായിരുന്നു അപകടം. പരിക്കേറ്റ് റോഡിൽ കിടന്ന ഇവരെ ചവറ പൊലീസ് സ്റ്റേഷനിലുള്ള ഹൈവേ പൊലീസി​െൻറ ആംബുലൻസിൽ ജില്ല ആശുപത്രിയിലെത്തിക്കുകയായിരുന്നു.